Indeksi i besimit të biznesit dhe konsumatorit në ekonominë e vendit ka pësuar për periudhën Prill-Qershor rënien më të madhe historike, që prej publikimit të këtij treguesi në vitin 2002.<br /><br />Në vrojtimin e Bankës së Shqipërisë vërehet se besimi në ekonomi nga të gjithë sektorët e tregut është më rënie dhe po ashtu edhe ai i konsumatorit. Tkurrja e besimit është në nivelin -50.2%.<br /><br />Industria pësoi një përgjysmim të prodhimit dhe rënie të kontratave porositëse, ndërsa në tkurrje janë edhe perceptimet e kësaj dege për rritjen e punësimit dhe ecurinë që do të ketë ekonomia në të ardhmen.<br /><br />Vrojtimi vëren se rënien më të fortë e kanë pësuar shërbimet: ecuria e biznesit është tkurrur me 58%, ndërsa norma e shfrytëzimit të kapaciteteve u ul me 70%.<br /><br />Aktiviteti i ndërtimit raporton rënie të punës së projekteve, por dhe të shitjeve, ndërsa në ulje të ecurisë së biznesit është dhe dega e tregtisë. Konsumatorët presin përkeqësim të të ardhurave familjare, ndërsa shprehen të dekurajuar për të bërë blerje të mëdha.<br /><br />Situata e pandemisë ka dhënë goditje në të gjithë degët e ekonomisë së vendit, ndërsa Banka e Shqipërisë vlerëson në projeksionet e saj, që ky vit të mbyllet me një reçension ekonomik prej 6%.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
